Կանաչ թեյը ամրացնում է ոսկորները

Կանաչ թեյն արևելքում ամենից ընդունված ըմպելիքն է: Այն կարող է ամրացնել ոսկորները, դանդաղեցնել դրանց քայքայումն ու կանխարգելել օստեոպորոզը: Այս մասին գրում են չինացի գիտնականները` Journal of Agricultural and Food Chemistry պարբերականում: Այս մասին տեղեկացնում է Ռիա Նովոստին:

Հոդվածի հեղինակ, Հոնգ Կոնգի համալսարանի գիտնական Բին Չժունլյոնը և նրա գործընկերները նշում են, որ նախկինում էլ շատ ուսումնասիրություններ են ապացուցել կանաչ թեյի օգտակար ազդեցությունը, մասնավորապես` քաղցկեղի և սրտային հիվանդությունների կանխարգելման հարցում:

Չինացի գիտնականները փորձարկել են կանաչ թեյի գլխավոր 3 բաղադրատարրերը առնետների վրա` և արդյունում պարզել են, որ դրանցից մեկը`(epigallocatechin - EGC) էպիգալոկատեխինը, ավելացնում է այն հիմնական ֆերմենտները, որոնք նպաստում են ոսկորների 79 տոկոսով աճին: Եվ, միևնույն ժամանակ, կանաչ թեյը չի թողնումբջջիջների վրա ոչ մի թունավոր ազդեցություն:

Հարցեր, պատասխաններ, մեկնաբանություններ